ഒരു സഹജീവിക്കു വേണ്ടി ..

നമ്മളാല്‍ കഴിയുന്ന ഒരു ചെറിയ സഹായം അത് അയാള്‍ക്ക്‌ വളരെയധികം പ്രതീക്ഷ നല്‍കും . അനിലിന്റെ കാര്യമാണ് പറഞ്ഞു വരുന്നത് . അനിലിന്റെ സുഹൃത്തിന്റെ  ബ്ലോഗ്‌ വായിച്ചാണ് ഞാന്‍ അയാളെക്കുറിച്ച് അറിഞ്ഞത്, ഒരു ദിവസം ഞങ്ങള്‍ RCC - യില്‍  പോയി അയാളെ കണ്ടു  ... പ്രണയ വിവാഹം ആയിരുന്നു അവരുടേത്, കുഞ്ഞിനു കഷ്ടിച്ച് നാല് വയസ്സ് പ്രായം വരും ഒരുമിച്ചു ജീവിച്ചു തുടങ്ങിയതേ ഉണ്ടായിരുന്നുള്ളൂ അവര്‍ ...ഏതെല്ലാം രീതികളില്‍ ആണ് വിധി പാവം മനുഷ്യരുടെമേല്‍ ആഞ്ഞടിക്കുന്നത് അയാളുടെ സ്ഥാനത്ത് ഞാന്‍ എന്നെത്തന്നെ കാണുവാന്‍ ശ്രമിച്ചു . ഹോ എത്ര ഭീകരം ....എന്തുമാത്രം മനശക്തി വേണം പിടിച്ചു നില്‍ക്കുവാന്‍.
ഒരുപക്ഷെ പണം കൊണ്ട് അയാള്‍ക്ക് ഭാര്യയുടെ ജീവനെ വിലയ്ക്കുവാങ്ങാന്‍ കഴിയും ...
ഒന്നര വര്‍ഷത്തോളമായി അയാള്‍ ഭാര്യയെയും കൊണ്ട് ആശുപത്രികള്‍ കയറി ഇറങ്ങുന്നു.. എട്ടു, ഒന്‍പതു ലക്ഷത്തോളം രൂപ ഇതിനോടകം അയാള്‍ ചിലവാക്കിക്കഴിഞ്ഞു അതൊക്കെയല്ലേ ഒരു സാധാരണക്കാരെനെക്കൊണ്ട് പറ്റുകയുള്ളൂ ..
സഹായിക്കണം കൂട്ടരേ ......
വെറുതെ ബസ്സുകളിലും ബ്ലോഗുകളിലും സമയം കൊല്ലാന്‍ തട്ടി വിടുന്ന മനുഷ്യ സ്നേഹ പോസ്റ്റുകളിലും കംമെന്റുകളിലും ഒതുങ്ങിപ്പോകരുത്‌ നമ്മുടെ മനുഷ്യ സ്നേഹം . പ്രവര്‍ത്തിക്കണം .. അവരവരുടെ ഓഫിസുകളില്‍ ഒരു ഫണ്ട്‌ ശേഖരണത്തിന് മുന്‍പിട്ടിറങ്ങുക... നമ്മള്‍ വിചാരിച്ചാല്‍ പലതും നടക്കും , നമ്മുടെ കുടുംബത്തിനാണ്‌ ഇങ്ങനെ ഒരു അവസ്ഥ വന്നതെന്ന് വിചാരിച്ചാല്‍ മതി

ഇതിനോടകം തന്നെ അനിലിനെ സഹായിച്ചവര്‍ക്കു ഇവിടെ ഒരു കമെന്റ് ഇടാം ...സഹായം ചെയ്തിട്ട് വിളിച്ചു കൂവിക്കൊണ്ട് നടക്കുന്നതിനെ അനുകൂലിക്കുന്നില്ല പക്ഷെ നമ്മള്‍ സഹായം ചെയ്തു എന്നറിയുന്നത് മറ്റു പലര്‍ക്കും പ്രചോദനമാകും അതിനു വേണ്ടി മാത്രം.


NB: അനിലിന്റെ ഭാര്യയുടെ രക്ത ഗ്രൂപ്പ്‌  ബി-നെഗറ്റീവ്  ആണ് ദാനം ചെയ്യാന്‍ തയ്യാറുള്ളവര്‍ അനിലുമായി ബന്ധപ്പെടുക 

Proud to be an Indian..

വലിയ പ്രതീക്ഷകള്‍ ഒന്നുമില്ലാതെ തുടങ്ങി കാരണം കഴിഞ്ഞ തവണ ഒരുപാട് പ്രതീക്ഷിച്ചു കയ്പ്പ് നീര്‍ കുടിച്ചവരായിരുന്നല്ലോ  നമ്മള്‍. ഓരോ വിജയങ്ങള്‍ കാണുമ്പോഴും അവ തുറന്നു കാട്ടിയ ദൌര്‍ബല്യങ്ങളും നമ്മള്‍ അറിഞ്ഞു . തപ്പിത്തടഞ്ഞു മുന്പോട്ടുപോയി ചെന്ന് നിന്നത് ശക്തരായ ആസ്ട്രേലിയയുടെ മുന്‍പില്‍ . ഇന്നത്തോടെ പ്രതീക്ഷകള്‍ എല്ലാം കഴിഞ്ഞു എന്ന മട്ടില്‍ കളികാണാന്‍ ഇരുന്നു . യുവിയുടെയും രൈനയുടെയും അത്ഭുതം കണ്ടു നമ്മള്‍ തരിച്ചിരുന്നു . പിന്നെ സന്തോഷം കൊണ്ട് തുള്ളിച്ചാടി. അടുത്ത മത്സരം യുദ്ധമായിരുന്നു . കളി മികവിനേക്കാള്‍   ആത്മധൈര്യം കൊണ്ട് നമ്മള്‍ അതിനെ നേരിട്ടു. സച്ചിന്‍ എന്ന മഹാ പ്രതിഭയ്ക്ക് പ്രാര്‍ത്ഥനകള്‍ കൊണ്ട് നമ്മള്‍ ജീവന്‍ നീട്ടിക്കൊടുത്തു വിജയ ശില്പ്പിയാക്കി .
പാകിസ്താന്റെ കണ്ണ് നീര്‍ ഇന്ത്യന്‍ മണ്ണില്‍ വീഴിച് നമ്മള്‍ ഫൈനലിലേക്ക് കുതിച്ചു . ഓരോ ഇന്ത്യനും മോഹിച്ചു തുടങ്ങി ലോക കിരീടം സ്വന്തമാക്കുന്ന നിമിഷത്തിനായി .

നിര്‍ണായകമായി കരുതിയ ട്ടോസ് നഷ്ടപ്പെട്ടുവെങ്കിലും ശ്രീലങ്കയുടെ ഇഴഞ്ഞുള്ള പോക്ക് കണ്ടു ആശ്വസിച്ചു. എന്നാല്‍ അവസാന ഓവറുകളില്‍ വിശ്വസ്തനായ സഹീറിനെപ്പോലും  വലിച്ചു കീറി അവര്‍ 274 എന്ന നല്ല്ലൊരു സ്കോര്‍ പടുത്തുയര്‍ത്തി ..

പിന്തുടര്‍ന്ന്  ജയിക്കുക ദുഷ്കരമായ ഫൈനലില്‍ ഈ വലിയ സ്കോര്‍ കണ്ടു നമ്മള്‍ വിഷമിച്ചിരുന്നു . പിന്നെ സേവാങ്ങിന്റെ തകര്പ്പനടികള്‍ക്കും സച്ചിന്റെ ക്ലാസ്സികിനും കാതോര്‍ത്തു . സേവാഗ് ചുവടുറപ്പിക്കനാകാതെ  വീണു  എങ്കിലും സച്ചിന്റെ മനോഹരമായ straight drive, ദൈവത്തിനു ഇന്നു നമ്മുടെ പ്രാര്‍ത്ഥനകള്‍ ആവശ്യമില്ല എന്ന മട്ടിലായിരുന്നു.. പെട്ടെന്ന് എന്തോ സംഭവിക്കുന്നു.. മലിംഗയുടെ മഞ്ഞ തലമുടി .. സച്ചിന്‍ പവലിയനിലേക്ക്. എല്ലാം അവസാനിക്കുകയാണോ എന്ന തോന്നല്‍ .

ദൈവം കൈ  വിട്ട കളി  രണ്ടു ചുണക്കുട്ടികള്‍ ചേര്‍ന്ന് തിരിച്ചു കൊണ്ടുവരുന്നതാണ് പിന്നെ കണ്ടത് . അപ്പോഴും ഒരു ലോക കപ്പു വിജയത്തിലേക്ക് നയിക്കാനുള്ള കരുത്ത് ഈ കുട്ടികള്‍ക്കുണ്ടോ എന്നു നമ്മള്‍ ഭയന്നു.
അഞ്ചാം നമ്പരില്‍ ധോണി ഇറങ്ങി തുഴഞ്ഞു തുടങ്ങിയപ്പോള്‍ പെട്ടെന്ന് ഔട്ടായി യുവരാജ് ഇറങ്ങിയെങ്കില്‍ എന്നാശിച്ചു. പിന്നെ കണ്ടത് സ്വപ്നമോ മിഥ്യയോ ? മഹേന്ദ്ര സിംഗ് ധോണി എല്ലാ കറകളും കഴുകിക്കളയാന്‍ തിരഞ്ഞെടുത്തത് ലോകകപ്പ് ഫൈനല്‍ ആയിരുന്നുവെന്നു വിശ്വസിക്കാനാകാതെ നമ്മള്‍ ഇരുന്നു . ഇടയ്ക്കുവച്ചു ഗംഭീറിന്റെ സെഞ്ചുറി നഷ്ടം അല്പം വേദനയുണ്ടാക്കിയെങ്കിലും ആ ഗംഭീര ഇന്നിങ്ങ്സിനെ ഹൃദയം കൊണ്ട് വണങ്ങി .
വിശ്വസ്തനായ പോരാളി യുവി ധോനിയ്ക്കൊപ്പം ചേര്‍ന്നതോടെ മനസ്സില്‍ പൂത്തിരി കത്തിത്തുടങ്ങി .
ഒടുവില്‍ കുലശേഖരയുടെ രണ്ടാം പന്ത് ബൌണ്ടറി കടന്നപ്പോള്‍ ലോകം നിശ്ചലമായി ഇന്ത്യന്‍ ക്രിക്കെറ്റിനു മുന്‍പില്‍ ...



സച്ചിന്‍ രമേശ്‌ ടെണ്ടുല്‍ക്കറിനുള്ള സമ്മാനം.. ഇന്ത്യന്‍ ക്രിക്കെറ്റിന്റെ പിതാമഹന്‍ ഒരു വേള്‍ഡ് കപ്പിന്റെ മാധുര്യം നുണയാനാകാതെ  പടിയിറങ്ങി പോകരുത് എന്ന നിശ്ചയധാര്ട്യം .. ധോണിയും  കൂട്ടരും  ക്രിക്കെറ്റിന്റെ നെറുകയില്‍ പേരുകള്‍ എഴുതിച്ചേര്‍ത്തപ്പോള്‍   ആനന്ദിച്ചത് ഓരോ ഭാരതീയനുമായിരുന്നു ഒരിക്കല്‍ ഇന്ത്യയെ കരയിപ്പിച്ച സിംഹളക്കുട്ടികളെ കശാപ്പു ചെയ്ത ആനന്ദം .

 

.........വന്ദേ മാതരം.........

 

ലൈംഗികത.

ലോകമെങ്ങുമുള്ള എല്ലാ മതങ്ങളും ഏറ്റവും പുരാതനമായ മത വിശ്വാസങ്ങളും സംസ്കാരങ്ങളും പോലും ലൈംഗികത വിലക്കപ്പെടെണ്ട ഒന്നാണെന്ന് കരുതാന്‍ കാരണമെന്ത് ?

ഭക്ഷണമാണ് കാരണം

ഭക്ഷണമോ ?

ആയിരക്കണക്കിന് വര്‍ഷങ്ങള്‍ക്കു മുന്‍പ് ഗോത്രങ്ങള്‍ നിരന്തരം യാത്ര ചെയ്തു കൊണ്ടിരുന്നു പുരുഷന്മാര്‍ക്ക് ഇഷ്ടമുള്ളിടത്തോളം സ്ട്രീകലുമായി ലൈംഗിക ബന്ധത്തില്‍ ഏര്‍പ്പെടാം കുട്ടികലുമുണ്ടാകം പക്ഷെ ഗോത്രത്തിന്റെ വലിപ്പം കൂടും തോറും അവ നാമാവശേഷമാകാനുള്ള സദ്യതയും വര്‍ധിച്ചു വന്നു . ഭക്ഷണത്തിന് വേണ്ടി ഗോത്രങ്ങള്‍ പരസ്പരം ഏറ്റുമുട്ടി ആദ്യം കുട്ടികളെയും പിന്നീട് സ്ത്രീകളെയും കൊന്നു കാരണം അവരായിരുന്നു ഏറ്റവും ദുര്‍ബലര്‍ ശക്തിയുള്ളവര്‍ അവശേഷിച്ചു അതുപക്ഷേ പുരുഷന്മാര്‍ ആയിരുന്നു സ്ത്രീകള്‍ ഇല്ലാത്തതുകൊണ്ട് വംശ വര്‍ധന തടസപ്പെട്ടു

അപ്പോള്‍ അയല്‍പക്കത്തെ ഗോത്രത്തില്‍ നടക്കുന്നത് കണ്ടറിഞ്ഞ ആരോ ഒരാള്‍ സ്വന്തം ഗോത്രത്തില്‍ അങ്ങനെ സംഭാവിക്കരുതെന്നു ആഗ്രഹിച്ചു അയാള്‍ ഒരു കഥ കെട്ടിച്ചമച്ചു.

പുരുഷന്മാര്‍ ഗോത്രത്തിലെ എല്ലാ സ്ത്രീകളോടും ലൈഗിക ബന്ധത്തില്‍ ഏര്‍പ്പെടുന്നത് ദൈവം വിലക്കിയിട്ടുണ്ടെന്ന് പറഞ്ഞു . ഒരാളുമായി ഏറിയാല്‍ രണ്ടുപേരുമായി മാത്രമേ ബന്ധത്തില്‍ ഏര്‍പ്പെടാവൂ..
ദൈവത്തിന്റെ പേരിലായിരുന്നു ഈ പ്രസ്താവന എന്നതിനാല്‍ കഥ കേട്ടവരെല്ലാം അത് വിശ്വസിച്ചു ... അത് പറഞ്ഞയാള്‍ക്ക് എന്തെങ്കിലും പ്രത്യേകത ഉണ്ടായിരുന്നിരിക്കാം ..

എല്ലാവര്ക്കും ആഹാരം തെടനവശ്യമുള്ള പുരുഷന്മാരും നായാട്ടിലും യുദ്ധത്തിലും നഷ്ടപ്പെടുന്നവര്‍ക്ക് പകരം കുട്ടികളെ ഉല്‍പാദിപ്പിക്കുന്നതിന്  സ്ത്രീകളും ഉണ്ടായപ്പോള്‍ ഗോത്രം ശക്തിയാര്‍ജിച്ചു ..

True love

നീ ഒരാളെ നിന്റെ ജീവനെപ്പോലെ സ്നേഹിക്കുന്നുവെങ്കില്‍
അവളുടെ കുറ്റങ്ങളും കുറവുകളും നിന്റെ ഇഷ്ടങ്ങള്‍ ആകുന്നുവെങ്കില്‍
അവളുടെ സൌന്ദര്യത്തേക്കാള്‍  ഉപരി അവളുടെ സാമീപ്യത്തെ നീ ആഗ്രഹിക്കുന്നുവെങ്കില്‍, അറിയുന്നുവെങ്കില്‍
അവളില്ലാതെ നിന്റെ പകലുകളും രാത്രികളും വിരസമാകുന്നുവെങ്കില്‍
അതാണ്‌ നിന്റെ യഥാര്‍ഥ പ്രണയം..
അത് ഒരിക്കല്‍ നഷ്ടപ്പെട്ടാല്‍ പിന്നീട് ഒരിക്കലും തിരിച്ചു വരുകയില്ല
അതെ അത് ഒരിക്കലെ സംഭവിക്കുകയുള്ളൂ .


....True love happens only once in a life time ....